Yasmeen (25) (Urdu)

Us Ki Maut Mein Malawas Us Ka Khawand Shak Ki Bina Par Police Ki Hirasat Mein Hai. Lekin Abhi Bahoot Sarey Sawaal Baki Hein.

Rotterdam Ki Rehne Wali Yasmeen (25) Ke Saath 25 Janwari Ko Kia Hua? Eek Din Baad Us Key Khawand Ne Us Ki La Pata Report Darj Karwai. Us Ki Reheishgha SeTaqreeban 200 Kilometer Ke Faasley Par, 12 Farwari Police Ko Us Ka Murda Jisam Ruinen, Drenthe Ki Jharion Se Milla Us Ka Khawand Yasmeen Ki Maut Mein Malawas Shak Ki Bina Par Is Waqt Police Ki Hirasat Mein Hai.

Maqtula

Yasmeen Ki Pedeish Pakistan mein Hui Aur Wo 2012 Se Holland Mein Rehti Thi. Us Key Khawand Sey Us Key Do Bachey Hein 1 Saal Aur 2 Saal. Kuch Arsa Sey Wo Apney Khawand Aur Bachoon Key Saath De Quackstraat Mein Upar Wali Manzil Pe Rehti thii, Jo Matwast Tabqey Ka Ilaka Charlois Hei.

Shinaakht

Yasmeen  Eek 25 Saal Ki Naujawaan Aurat Thi, Us Ki Lambai 1.64 m Aur Eek Darmiana Jisam Tha. Jab Us Ka Murda Jisam Ruinen Sey Milla To Us ney Kaley Rang Ki Koti (Vest) Pehen Rakhi Thi, Is Key Neechey Laal/Gulabi Patloon (Shalwaar) Aur Kameez Jis Par Peeley aur Kaley Rang Ka Kaam Hua Tha.

Akeela Pan (Tanhei)

Us Key Muhalley Waloon Key Mutabiq, Yasmeen Sab Sey Aleida Rehti Thi Aur Bahoot Kam Bahar Jati Thi. Aksar Us Key Bachey Dada Aur Dadi Key Paas Hotey They Jabkey Wo Akeeli Ghar Mein Hoti Thi Aur Khawand Rotterdam Mein Taxi Ka Kaam Karta Tha.

Taxi

Itwaar 25 Janwari, Yasmeen Ki Gumshudgi Key Din Lagta Hei Key Gehrey Neeley Rang Ki Volkswagen Passat Ney Do Dafa Mamool Sey Hat Kar Saffar Kia. Us Dopeher Aur Agli Raat Ko Gaari Rotterdam Se Eek Barey Faasley Par Drenthe Tak Gai. Aiesa Lagta Hei Ke Taxi Ruinen Ke Janglaat Tak Gai Hei, Jo Ke Rotterdam Sey 190 Kilometer Ke Faasley Par Hei.

Jisam Baramad

Is Key Pas Manzar Eek Tafteeshi Team Gumshudgi Ki Chaan Been Kar Rahi Hai. Is Mein Jitna Waqt Guzarta Jata Hai, Utna Hi Ziada Police Ko Katal Ka Andeshe Hota Jata Hei. Kionkey Yasmeen Yakini Taur Par Apney Bachey Akeley Kabhi Nahin Choor Sakti. Ruinen Ki Jharion Ke Aas Paas Dhoondney Ka Faisala Kia Jata Hei. Akhir kaar Police Ko Yasmeen Ka Murda Jisam Wahaan Se Mil Jata Hei.

Giraftari (Hirasat)

Yasmeen Ki Maut Mein Malawas, Us Ka  Khawand (26) Police Ki Harasat Mein Hai. Is Se Us Ka Koi Bhi Wasta Ho Ya Na Ho, Us Ki Gari Wahaan Gai Thi Jahaan Se Yasmeen Baramad Hui Hai. Khawand Ne Is Ke Barey Mein Koi Biyaan Nahin Dia.

Koora Kirkat

Eek Parosi Ne 25 Janwari Itwaar Ki Dopeher 13:00 Aur 15:00  Bajey Key darmiyan Dekha Ke Eek  Aurat Ghar Ka Koora Rakhney Bahar Ai Hai, Ho Sakta Hai Ke Woh Yasmeen Thi. Tafteesh Karney Wali Team Un Logoon Se Milna Chahti Hai Jin Logoon Ne Use Us Dopeher Ko Dekha Hai.

Bachey

Police Ye Bhi Jaan-na Chahti Hai Ke Kisi Ne Dekha Hai, 25 Janwari Itwaar Ke Din Us Ke Dono Bachey Us Ki Saas Key Ghar de Frans Bekkerstraat Kaun Chorney Gaye Tha.

Volkswagen Passat

Yasmeen Ka Khawand Apney Kaam Ke Liye Eek Volkswagen Passat Chalata Tha Jo Ke  Rotterdam Mein Taxi Driver Tha. Ye Gaari Us Burey Itwaar Key Din Aur Us Ki Agli Raat Ruinen Drenthe Ke Gird O Nawah Mein Dekhi Gai. Neeley Rang Ki Number Plate Lekin  Chat Par Shaid Begheir Taxi Ki Takhti Ke. Shaid Siraf Taxi Hi Naheen Thi Ya Is Ke Saath Eek Ya Aur Gariaan Bhi Thien. Police Ko Naheen Malum Ke Rotterdam Se Ruinen Ke Safar Mein Taxi Mein Kaun Beithey Thei.

Saffar

Pehli Dafa Taxi Ne Rotterdam Se Bazaria Utrecht Aur Zwolle,  Shamaal Ki Janab Safar Kia.Sawaal Ye Hai, Kia Kisi Ne Taxi Ko In Oqaat Mein Kisi Waqt In Rastoon Par Dekha Hai.

Jhariaan

Ruinen Ke Ilakey Mein Safar Karney Ke Baad Takreeban Shaam Ke Saat (19:00) Bajey Gari Pahli Dafa Jharioon Ke Paas Pauhnchti Hai. Takreeban Shaam Sawa Aath Bajey (20:15) Eek Aini Shahid Ne Jharioon Ke Rastey Ke Kreeb Us Shaam Eek Gehrey Neeley Rang Ki Gari Khari Dekhi. Ho Sakta Hai Ye Yasmeen Ke Khawand Ki Gari Ho.

Dusri Dafa

Takreeban 45 minutes Ke Baad Taxi Rotterdam Wapis Jati Hai. Sawa Giara (23:15) Ke Kreeb Itwaar Ki Raat Taxi Phir Rotterdam Se Ruinen Ki Taraf Pehley Rastoon Ke Zariey Chalti Hai, Jo ke Bazahir Yahee Ho Sakta Hai. Is Dafa Bhi Taxi In Okaat Mein Shaid Doosri Garion Ke Saath Nazar Ai Ho. Takreeban (00:50) Eek Bajney Mein Das Minut Par Gari Jharion Ke Kareeb Aati Hai Jahaan Se Yasmeen Baad Mein Milti Hai.

Dariaaft Ki Jagha

Jharion Key Rastey Se Takreeban 40 Meter Jharion Ke Beech Jahaan Yasmeen Dafan Thi. Is Jagha Par Aap Gari Ke Saath Naheen Aa Saktey. Yasmeen Ko Yahaan Par Kisi Dusrey Tareekey Se Laya Gia Ho Ga. Us Waqt Wo Zinda Thi, Maslan Wo Yahaan Khud Chal Ke Ai Ho. Ya Mar Gai Ho Aur Us ko Yahaan Utha Ke Laya Gia HO, Ye Wazia Nahin Hai. Ye Bhi Ho Sakta Hai Ke Kisi Ne Dekha Ho Ke Yahaan Koi Kabar Khodi Gai Hai.

Telefoons

Police Abhi Tak Yasmeen Ke Do Telefoons Ki Talaash Mein Hai. Eek Blackberry 9780 Aur Eek Samsung E1200i. Ye Koi Yakeen Se Nahin Malum Ke Telefoons Ke Rang Ki They. Mumkin Hai Ke Ye ashia Ruinen Ki Jharioon Mein Reh Gai Hein. Ruinen Se Thora Sa Bahar Choti Sarak N375 Par Car Parking Ke Ird Gird  Eek Makhssos Tareekey Se Talaash Gai Hai.

Hamjins Mardoon Ki Mulakaat Ki Jagha

Wo Parking Ki Jagha Eek Hamjins Mardoon Ki Mulakaat Ki Jagha Bhi Hai. Wahaan Par Yasmeen Ke Khawand Ki Taxi 25 Janwari Takreeban 17:30 Aur 18:15 Ke darmiyaan Khari Dekhi Gai. Ho Sakta Hai Ke Wahaan Par Guzarney Waloon, Sair Karney Waloon Ya Us Parking Mein Aney Waloon Ne Taxi Ko Dekha Ho. Ya Kisi Ko Yasmeen Ke Telefoons Wahaan Se Miley Hoon Aur Begheir Soochey Samjhey Saath Ley Gaiy Hoon.